ငါ့နှလုံးသားဟာ နင်နဲ့တွေ့တဲ့အချိန်ကစပြီး
သေဒဏ်ပေးခံလိုက်ရတယ်
ဘယ်နေ့လဲဆိုတာ မသိနိုင်ပေမယ့်
တစ်နေ့နေ့တော့
နင့်လက်ချက်နဲ့ကွဲကြေရမှာပါ..........။
ပိုးဖလံတွေဟာ
မီးကိုပူမှန်းသိရက်နဲ့ ၀င်တိုးကြတယ်
ငါလည်း...အဲဒီလိုပါပဲ
နင့်အနားကို
ရင်းနှီးခွင့်ရဖို့ကြိုးစားလိုက်တိုင်း
မပြောပြနိုင်လောက်အောင်
နာကျင်ရတဲ့ ခံစားချက်တွေကို
ရမယ်ဆိုတာသိပေမယ့်လည်း
ငါ...နောက်မဆုတ်နိုင်ခဲ့ဘူး
နင်နဲ့ ခဏတာတွေ့ခွင့်အတွက်
အရာအားလုံးကို
ငါ............စတေးခဲ့တာ
နင့်ကိုစတွေ့ခဲ့တဲ့ အချိန်ကတည်းကပါ..........။
အခုတော့...
ကောင်မလေးရယ်
ရင်တစ်ချက်ဆောင့်ခုန်လိုက်တိုင်း
နင်ကို တစ်ခါလွမ်းဆွတ်ရတဲ့
နာကျင်မှုကို ဆက်မခံစားနိုင်တော့လို့
ငါ့ရင်ခုန်သံ ရပ်သွားမယ့်နေ့
နှလုံးသားသေဒဏ် ရက်ချိန်းစေ့တဲ့နေ့ကို
ငါ.............လက်ချိုးရေတွက်ဆဲပါ....................။
မိုးတိမ်ကဗျာ
ကျွှန်တော့် post များကို အခြားနေရာများတွင် ဖော်ပြလိုပါက
အကြောင်းလေးတော့ ကြားပေးပါ။အဆုံးထိဖတ်ပေးလို့ ကျေးဇူးတင်ပါတယ်။
No comments:
Post a Comment
ဒီနေရာလေးမှာ Post နှင့်ပတ်သတ်သော အကြောင်းအရာများပြောထားခဲ့ပါ။